ශී‍්‍ර ලංකා කණ්ඩායමේ කළමණාකාර තනතුරින් ඉවත් වීමට අසන්ත ද මෙල් තීරණය කර තිබේ. ඒ අනුව එංගලන්ත කණ්ඩායම සමග පැවැත්වෙන දෙවන ටෙස්ට් කි‍්‍රකට් තරගයෙන් පසු තමන් අදාළ තනතුරින් සමුගැනීමට තීරණය කළ බව ඒ මහතා පවසිය.
තමන් කළමණාකාරීත්වයේ රැඳී සිටියේ තාවකාලිකව බවද එය තමන්ගේ වෙනත් වගකීම් ඉටු කිරීමට අපහසුවක් වී ඇතැයිද අසන්ත ද මෙල් මහතා අදහස් දක්වමින් කියා සිටී. කෙසේවෙතත් තමන් තවදුරටත් තේරීම් කමිටු සභාපති ධූරයේ කටයුතු කරන බවත් ඉදිරියේදී කිසිඳු සංචාරයකට එක් වීමට තමන් අදහස් නොකරන බවද ඔහු පවසා තිබේ.
