අඟුලාන පොලිස් ස්ථානය අසළ අද පස්වරුවේ ඇති වූ නොසන්සුන්තාව මේ වන විට පාලනය කළ බව පොලිසිය පවසයි. අගුලාන පොලිස් ස්ථානය ඉදිරිපිටට රැස්වූ ප්‍රදේශවාසීන් ගල්මුල් එල්ල කරමින් කලහකාරී ලෙස හැසිරී තිබෙන අතර, පසුව තත්ත්වය පාලනය කිරීමට කඳුළු ගෑස් ප්‍රහාරයක් එල්ල කර තිබේ. පසුගියදා සිදුවූ වෙඩි තැබීමේ සිද්ධියට සම්බන්ධ ප්‍රධාන සාක්ෂිකරුවන් දෙදෙනකු අද උදෑසන පොලිස් නිලධාරින් පිරිසක් පැමිණ ජීප් රථයකින් රැගෙන ගිය බව පවසමින් ප්‍රදේශවාසීහු මෙසේ විරෝධයක් දක්වා ඇත.
