ශ්‍රී ලංකා ක්‍රිකට් ක්‍රීඩක ළහිරු තිරිමාන්න ද ඕස්ට්‍රේලයාවේ මුල්ග්‍රේව් (Mulgrave) ක්‍රිකට් සමාජයත් සමග එක්ව තිබේ.
මුල්ග්‍රේව් ක්‍රිකට් සමාජයේ ප්‍රධාන පුහුණුකරු ලෙස ශ්‍රී ලංකා හිටපු ක්‍රිකට් නායකයෙකු වන සනත් ජයසූරිය මහතා කටයුතු කරන අතර, නායකයා ලෙස කටයුතු කරන්නේ ශ්‍රී ලංකා හිටපු ක්‍රිකට් ක්‍රීඩක තිලකරත්න ඩිල්ෂාන්.
එමෙන්ම හිටපු ආරම්භක පිතිකරුවෙකු වන උපුල් තරංග ද මුල්ග්‍රේව් ක්‍රිකට් සමාජය වෙනුවෙන් ක්‍රීඩා කිරීමට නියමිතයි.
ශ්‍රී ලංකා ප්‍රවීන වේග පන්දු යවන පුහුණුකරුවෙකු වන අනූෂ සමරනායක මහතා ද එම ක්‍රිකට් සමාජයේ සහාය පුහුණුකරු ලෙස පසුගිය මාසයේ දී පත් කෙරුණේය.
