වාහනයක් හිමිකර ගැනීම කවරෙකුගේ වුවද සිත තුළ පවතින තදබල අපේක්ෂාවකි. වාහනයක හිමිකම ඔබට ඇත්දැයි විමසා බැලීමේදී කේන්ද්රයේ 4 වැන්න හා සිකුරු ග්රහයාගේ පිහිටීිම සැලකිල්ලට ගත යුතුය. කේන්ද්රයක 4 වැන්නාධිපති ග්රහයා ගුරු සමඟ ලග්නයේ පිහිටා ඇත්නම් එබඳු අයෙකුට වාහන හිමිකම ඇත. සිකුරු ග්රහයා 4 වැන්නේ පිහිටීමද වාහන හිමිකම ලබාදෙන යෝගයකි. 4 වැන්නාධිපති ග්රහයා 11 වැන්නේ සිටියදී ගුරු 3 හෝ 7 පිහිටීමද වාහනයක හිමිකමට හේතුවේ.
4 වැන්නාධිපති හා 11 වැන්නාධිපති ග්රහයින් ඔවුනොවුන්ගේ රාශි මාරු කරගෙන සිටීමද, 4 වැන්නාධිපති හා 11 වැන්නාධිපති ග්රහයින් එක්ව 1, 2, 4, 9, 10, 11 යන භාවයක තැන්පත්ව සිටීමද වාහන හිමිකම ලබා දෙන පිහිටීම්ය.
9 වැන්නාධිපතියා ගුරු හා සිකුරු සමඟ එක්ව 4, 9, 11 යන භාවයක පිහිටීමද වාහන හිමිකම ලබා දෙන යෝගයකි. ගුරු හා සිකුරු 4 අධිපතියා සමග එක්ව කේන්ද්රස්ථානයක හෝ ත්රිකෝණස්ථානයක තැන්පත්වීම ද ගුරු 4 වැන්නේ සිටියදී 4 වැන්නාධිපති 10 වැන්නේ තැන්පත්වීමද 4 වැන්නාධිපතියා 9 හෝ 11 යෙදී 11 වැන්නාධිපති 4 වැන්නේ වීමද 4 වැන්නාධිපති 11 වැන්නේ සිටියදී ගුරු 3 හෝ 7 තැන්පත්වීමද 4 අධිපති 4 ම තැන්පත්වීමද ලග්නාධිපති 4, 9, 11 යන භාවයක පිහිටීමද වාහනයක උරුමය ලබා දෙයි.
ගුරු 4 වැන්නේ සිටියදි 4 අධිපති 10 තැන්පත්වීමද සඳුගෙන් 7 වැන්නේ සිකුරු පිහිටීමද 4 වැන්නාධිපතියා උච්ච වී එම උච්ච රාශියට අධිපති ග්රහයා කේන්ද්රස්ථානයක හෝ ත්රිකෝණස්ථානයක යෙදීමද වාහනයක හිමිකම ලබාදෙන පිහිටීම් වේ. මෙම පිහිටීම ඔබේ කේන්ද්රයේ ඇත්දැයි හඳුනා ගැනීමට පහත සටහන උපයෝගි කර ගන්න.
![ඔබට හිමි වාහනය හඳහනේ ලියා තිබේ](https://cdn.shortpixel.ai/spai/w_494+q_lossy+ret_img+to_auto/https://divaina.lk/wp-content/uploads/2021/11/vihicale.jpg)
ජ්යොතිර්වේදී වාස්තු විද්යා උපදේශක
ආචාර්ය කපිල ඉන්දික ගුණදාස
මාලිබොඩ, දැරණියගල.