ෆෝබ්ස් සඟරාවේ නවතම වර්ගීකරණය අනුව වැඩිම ආදායමක් ලබන පාපන්දු ක්‍රීඩකයන් අතරේ ආර්ජන්ටිනාවේ ලියෝනාල් මෙසී අභිබවා පෘතුගාලයේ සුපිරි පාපන්දු ක්‍රීඩක ක්‍රිස්ටියානෝ රොනාල්ඩෝ පෙරමුණට පැමිණ තිබේ.
ක්‍රිස්ටියානෝ රොනාල්ඩෝ මෙතෙක් ක්‍රීඩා කළ ඉතාලියේ ජුවෙන්ටස් පාපන්දු ක්‍රීඩා සමාජය අතහැර එංගලන්තයේ මැන්චෙස්ටර් යුනයිටඩ් වෙත නැවත පැමිණීමත් සමඟ ඔහු ලොව වැඩිම ආදායමක් ලබන පාපන්දු ක්‍රීඩකයා ලෙස මෙසී අභිබවා ගිය බව ෆෝබ්ස් සඟරාව පෙන්වාදෙයි.
රොනල්ඩෝ 2021-22 කාල සීමාව තුළ බදු ගෙවීමට පෙර ඇමෙරිකානු ඩොලර් මිලියන 125ක් උපයාගෙන ඇති අතර ඔහු නැවත එක්සත් ජනපදයට පැමිණීම නිසා ඔහුගේ වැටුපෙන් ඇමෙරිකානු ඩොලර් මිලියන 70ක ප්‍රසාද දීමනාවක් හිමිව තිබේ.
එමෙන්ම 36 හැවිරිදි රොනාල්ඩෝ වාණිජමය ගනුදෙනුවලින් (commercial deals) උපයා ගැනීමට සූදානම් ඇස්තමේන්තුගත මුදල ඇමෙරිකානු ඩොලර් මිලියන 55කි.
ෆෝබ්ස් සඟරාවට අනුව, රොනාල්ඩෝගේ ප්‍රධාන ප්‍රතිවාදියා වන ආර්ජන්ටිනාවේ ලියෝනාල් මෙසී මෙවර තරග වාරයේදී ඇමෙරිකානු ඩොලර් මිලියන 110ක් උපයා ඇති අතර, එම මුදලින් ඩොලර් මිලියන 75ක් ඔහුගේ වැටුප සහ පාරිතෝෂික ප්‍රසාද දීමනා ලෙස උපයා තිබේ. මීට අමතරව ඔහුගේ ඉපයීම්වලට ඩොලර් මිලියන 35ක අනුමත කිරීම් එකතු වී ඇත.
ෆෝබ්ස් සඟරාවට අනුව වැඩිම ආදායමක් ලබන පාපන්දු ක්‍රීඩකයින්
- ක්‍රිස්ටියානෝ රොනාල්ඩෝ (මැන්චෙස්ටර් යුනයිටඩ්) ඇ.ඩො.මිලියන 125
- ලියෝනාල් මෙසී (පැරිස් සෙන්ට් ජර්මේන්) ඇ.ඩො.මිලියන 110
- නේමාර් (පැරිස් සෙන්ට් ජර්මේන්) ඇ.ඩො.මිලියන 95
- කිලියන් එම්බැපේ (පැරිස් සෙන්ට් ජර්මේන්) ඇ.ඩො.මිලියන 43
- මොහොමඩ් සලා (ලිවර්පූල්) ඇ.ඩො.මිලියන 41
- රොබට් ලෙවන්ඩොව්ස්කි (බයර්න් මියුනිච්) ඇ.ඩො.මිලියන 35
- ඇන්ඩ්‍රෙස් ඉනියෙස්ටා (විසල් කෝබේ) ඇ.ඩො.මිලියන35
- පෝල් පොග්බා (මැන්චෙස්ටර් යුනයිටඩ්) ඇ.ඩො.මිලියන 34
- ගැරත් බේල් (රියල් මැඩ්රිඩ්) ඇ.ඩො.මිලියන 32
- ඊඩ්න් හැසාර්ඩ් (රියල් මැඩ්රිඩ්) ඇ.ඩො.මිලියන 29