හිටපු ශ්‍රී ලංකා ක්‍රිකට් නායකයකු වන රොෂාන් මහානාම කියා සිටියේ ශ්‍රී ලංකාවේ වත්මන් ආර්ථික අර්බුදය සම්බන්ධයෙන් රට පාලනය කළ නායකයින්ට දොස් පැවරිය යුතු බවත් වත්මන් පාලන තන්ත්‍රයෙහි වෙනසක් අවශ්‍ය බවත්ය.
හිටපු සුපිරි ක්‍රිකට් ක්‍රීඩක රොෂාන් මහානාම මෙසේ පවසා සිටියේ ඉන්දියාවේ එන්ඩීටීවී (NDTV)ආයතනය සමඟ පැවැති සාකච්ඡාවකදී අදහස් දක්වමිනි.
ශ්‍රී ලංකාව මේ වන විට මුහුණ දී සිටින ආර්ථික අර්බුදය නිර්මාණය කිරීම සම්බන්ධයෙන් නායකයින්ට දොස් පැවරූ හිටපු ක්‍රිකට් ක්‍රීඩක රොෂාන් මහානාම කියා සිටියේ රටේ අනාගතය යම් අවධානමක පවතින බවයි. 1996 ලෝක කුසලානය දිනූ ශ්‍රී ලංකා කණ්ඩායමේ සාමාජිකයෙකුද වූ මහානාම පවසන්නේ රටේ මධ්‍යම පාන්තිකයින් ක්‍රමයෙන් අගාදයකට ඇද දමා ඇති බවත්, මෙම භයානක තත්ත්වයෙන් මිදීමට අප රටේ වත්මන් නායකයින් විසඳුමක් නොදෙන තාක් කල් ජනතාව අඛණ්ඩව විරෝධතා පවත්වන බවත්ය.
තවද හිටපු ක්‍රිකට් ක්‍රීඩකයා වත්මන් පාලනය පිළිබඳවද දැඩි විවේචනයක් කරමින් කියා සිටියේ දැන් රටට වෙනසක් අවශ්‍ය බවයි.
“මම ක්‍රීඩකයෙක්ව සිටියදී ඔවුන් (ශ්‍රී ලාංකිකයන්) මගේ හොඳ සහ නරක කාලවලදී මා සමඟ සිටියා.ඔවුන් වෙනුවෙන් එළියට පැමිණ කතා කිරීමට මට වගකීමක් ඇතැයි මම සිතනවා. ඔව්, අපි අර්බුදයකට යනවා. මෙය ඉතා අසාමාන්‍ය අර්බුදයක්. මම වරදවා වටහා නොගන්නේ නම්, 1991 දී ඉන්දියාවට ද එවැනිම ගැටලුවක් ඇති බව මට කීව. මෙය මගේ දෘෂ්ටි කෝණයෙන් කීවොත් මෙය රටේ නායකයින් විසින් නිර්මාණය කර ඇති අර්බුදයකි, ”යනුවෙන් මහානාම NDTV සමඟ සම්මුඛ සාකච්ඡාවකට එක්වෙමින් පැවසීය.
“රටේ මධ්‍යම පාන්තිකයින් ටිකෙන් ටික පාරට වැටී ඇති බව මට හැඟනවා. දවස අවසානයේදී, ඔබට අවශ්‍ය පෙට්‍රල්, විදුලිය, කිරිපිටි, අත්‍යවශ්‍ය ද්‍රව්‍ය නොමැති නිසා හැමෝම පාරට බහිනවා. තමන්ගේ පුරවැසියන් සුවපහසු ලෙස තබා ගැනීමට වග බලා ගැනීම රටේ නායකයින්ට භාරයි.අපට පාලන තන්ත්‍රයේ වෙනසක් අවශ්‍ය බවයි මට හැඟෙන්නෙ. මේ සියලු පාර්ශ්ව එකතු වී විසඳුමක් ඉදිරිපත් කළ යුතුයි. ඔවුන් විසඳුම් සාකච්ඡා කළ යුතුයි. අපි මේ තත්ත්වයෙන් ගොඩගැනීමට ඔවුන්ට වගකීමක් තිබෙනවා,” ඔහු වැඩිදුරටත් පැවසීය.
අයිසීසී. තරඟ තීරකයෙකු ලෙසද කටයුතු කළ මහානාම ඉන්දියාවේ සහයෝගය ගැනද කතා කළේය. “ඉන්දියාව සැමවිටම අපිට සහාය වී තිබෙනවා, හොඳ සහ නරක කාලවලදී සෑම විටම අපි සමඟ සිටියා.” “වාර්තාගත උද්ධමනය සහ සාමාන්‍ය විදුලිය ඇනහිටීම් සමඟ ආහාර සහ ඉන්ධන හිඟය, යන කරුණු බැලුවාම 1948 දී බ්‍රිතාන්‍යයෙන් අපේ රට නිදහස ලැබීමෙන් පසු ඇති වූ වඩාත්ම වේදනාකාරී පෙර නොවූ විරූ දුක්ඛිත තත්වයන් ශ්‍රී ලාංකිකයන්ට අද ඇති කර තිබෙනවා. අපි මේ අරගලයට මුහුණ දෙන හැමෝගෙම කොටස් කාරයෙක් වෙලා හැමෝටම අපේ සහය පෙන්වන්න ඕන.” යැයිද මහානාම එහිදී අවධාරණය කළේය.